my thoughts; relationship awakening

aaj ek naya abhaas hua
jo janm le chuka tha
kuch dino pehle
aaj wo bada hua
aur mastishk mein
apni upaj bana
raha hain

ab tak jise rishta
manta tha
sab ke kehne ke
bawajud bhi
sabr rakha tha
ab wahi lag raha
hain ek bhram
bhram ek asha ka
ke badlega
wo shaqs bhi
aur usi bhram
mein ruka hua tha
ab tak

par ab shayad
aur nahi
ab sabr ka baandh
tootne ke kagar
par hain
aur isse pehle
ke wo toot jaye
aur kisi
anarth ko le aaye
socha hain
ke khud hi
ye kadam aage badhaun
aur keh do ke
bas! ab mujhme
himmat nahi rahi
aur sabr rakhna
ka ...
ke tujhe kisi
roop ke praroop
na kar paaya ke
tu mujhse bhi zyada
samjhe,
pyaar kare ...
to bas, ab
tu azaad hain
is bandhan se ...
(aur shayad ye
bandhan bhi main hi
maanta raha hun,
to phir ye kaisa
bandhan ?)

khaer,
jis anubhuti ke rehte
ye sambhav ho paaya
wo bhi kahin na kahin
isi se jura hain
kisi ko kuch palon
ke paakar,
jo mujhe mujhse bhi
zyada samjha,
zyada pyaar kiya ...
par tha majboor
khud ke pyaar
ke liye jo kisi
aur ka hokar bhi
samay ke chakravyuh
mein kam hota ja
raha tha
...
jisse mila pehle,
dosti hue phir
aur saath hi hui
shuru uski samasyaon
ka chintan-manan
aur samadhan ki khoj
jisse ki dosti
par bharosa rehne laga

gyat the dono hi
ek doosre ki
zindagi se
gyat thi un zindagiyon
ki unjhalon ka
shayad isi se
paas aaye ...
par paas rehte bhi
to kab tak
aakhir kaar
samay ka chakyavyuh
phi palta
aur ant se shuru
ki taraf badh chala
jisse hua mushkil
us shaqs ka saath
rehna
kyunki nayya ek ho
sawar insaan bhi
mansik roop mein
santulit rehta hain

isiliye phir se
ban gaya hun
aaj use shaqs ka
dost aur
samadhan-khoji

par bahut kuch
samjhaya is pal
ke anubhav ne
aur shayad khud
ko bhram se
bahar nikalne
ki shakti de paaya

abhi kaam adhoora hain
bhram se bahar nikalne
ki is atoot soch ko
haqeeqat mein
parivartit karna hain
tabhi safal hogi
ye seekh
zindagi ki seekh